Eina von okkar um réttlæti!

Ég tel það vera okkar einu von að erlendir aðilar sæki til saka þá sem komu Íslandi á hausinn.

Íslensk stjórnvöld munu ekki gera það.

Rannsóknarskýrslan sem allir bíða eftir mun eingöngu vera pólitískt áróðursplagg.

Ekki gat ég skilið það öðruvísi hjá Jóhönnu og Steingrími J. í viðtali hjá Agli Helgasyni en að það færi alveg eftir því hvaða flokkar sætu í ríkisstjórn þegar skýrslan kæmi út hver niðurstaða skýrslunnar yrði.

Það segir mér að skýrslan mun ekki koma með neinn sannleika heldur aðeins pólítískan áróður.

Skýrslan mun þó varla ganga það langt að einhverjir sekir verði settir inn því eðli stjórnmála virðist vera fyrst og fremst að tryggja starfsöryggi stjórnmálamanna. Gangi þeir of nærri stórtækum fjárglæframönnum þá eru þeir að stofna starfsöryggi sínu í hættu.

Fögnum allri erlendri rannsókn sem verður gerð á íslensku bönkunum.

Velkominn Deutsche Bank!

Rannsaka Landsbankann

Af hverju þurfum við að kjósa?

Bæði Jóhanna og Steingrímur hafa velt því upp að það kosti mikið að kjósa og ekki sé ráð að eyða peningum í að kjósa um eitthvað sem er bla, bla, bla ...

Það er ljóst að mikill meirihluti vill fella þessi lög sem þvinguð voru í gegnum þingið.

Ríkisstjórnin getur sparað okkur þann kostnað sem fer í þessar kosningar með því einfaldlega að leggja fram nýtt frumvarp um ógildingu þessara umdeildu laga sem forsetinn synjaði að skrifa undir.

Ef Jóhann og Steingrímur eru að hugsa um þann pening sem fer í þjóðaratkvæðagreiðslu þá er þetta leiðin til að spara.

Kann að frestast um viku

Umgengnistálmanir og innræting

Óhætt er að halda því fram að myndin Bjarnfreðarson sé ein besta kvikmynd sem gerð hefur verið um alvarlegar afleiðingar umgengnistálmana og innrætingu þess foreldris sem fer með lögheimili barns.

Strax sama daginn og Georg litli fæðist þá er pabbinn útilokaður úr lífi barnsins. Bjarnfreður og pabbi hennar sjá til þess að pabbinn, John Washington, fær ekki undir nokkrum kringumstæðum að hitta son sinn Georg.

John reynir árum saman að hafa samband við son sinn og fram kemur í myndinni atriðið þar sem Bjarnfreður og pabbi hennar beinlínis henda honum út þegar hann er kominn til Íslands til að reyna að fá að hitta strákinn. Bjarnfreður var með geymslu í kjallaranum þar sem Georg sonurinn mótti alls ekki koma inn í. Bjarnfreður taldi Georgi trú um að inni í geymslunni væru ógeðsleg dýr sem fæu illa með hann ef hann reyndi að komast þar inn.

Þegar Georg á fullorðins árum eða þegar hann losnar af Litla Hrauni og er farinn að átta sig á að ekki er allt 100% satt sem mamma hans segir, þau laumast hann inn í þessa geymslu móður sinnar og finnur þá stafla jólagjafa sem pabbi hans hafði sent honum öll hans æsku ár.

Georg hefur verið "monster" í öllum þáttaröðunum sem gerðar hafa verið um hann og félaga hans. Myndin Bjarnfreðarson segir frá því hvernig mamma hans gerði hann að "monster" með þeim hætti sem ég flokka undir gróft ofbeldi og níðingsskap gegn barni. Í mínum huga er því Bjarnfreður "barnaníðingur".

Bjarnfreðarson og Fangavaktin með flestar tilnefningar

Geirfuglinn, kindurnar og ísbirnir

Þola Íslendingar ekki lifandi dýr? Það eru ekki mörg lönd í heiminum þar sem villt dýr þrífast ekki, en hér á þessu harðbýla landi þá er það ekki veðrið og gróðursneyðin sem gerir út af við dýralífið. Það eru blessaðar manneskjurnar sem búa hér sem virðast bara ekki þola það að sjá nokkuð lifandi.

Menn geta svo sem fært einhver rök fyrir því að drepa blessaðan ísbjörninn, hann er jú hættulegur. Kannski eigum við bara að útrýma hættulegum dýrum?

Rökin fyrir því að útrýma villtum kindum hljóta þó að vera langsóttari. Varla ráðast þessar kindur á menn og dýr?

Kannski er þetta eitthvað tengt skattinum?  Það er rétt. Þessi dýr borga ekki skatt eða afnotagjöld ríkissjónvarpsins. Kannski er það þess vegna sem verður að skjóta þau öll.

Búið að skjóta ísbjörninn

Steingrímur hlýtur að vera ánægður með forsetann

Steingrímur hlýtur að fagna því nú að forsetinn staðfesti ekki lögin frá Alþingi og vísaði þeim til þjóðarinnar.

Hann telur nauðsynlegt að skýrsla rannsóknarnefndar liggi fyrir áður en þjóðin tekur ákvörðun um frumvarpið svo það hlýtur að eiga við um ákvörðun almennt.

Það hefði því verið slys ef forsetinn hefði samþykkt þessi lög áður en þessi mikilvægu gögn liggja fyrir.

Skýrslan komi áður en kosið er

Réttarbætur í frumvarpi

Frumvarp um breytingar á ákvæðum barnalaga
um forsjá, búsetu og umgengni

Dómsmála- og mannréttindaráðuneytið kynnir nú á heimasíðu sinni frumvarp til breytinga á barnalögum um forsjá, búsetu og umgengni.

Mikil vinna hefur verið lögð í gerð þessa vandaða frumvarps og Félag um foreldrajafnrétti hvetur áhugasama til að skoða frumvarpið vel.

Réttur barnsins stór eykst samkvæmt frumvarpi þessu til dæmis þar sem tekið er sérstaklega á rétti barns til að tjá sig í öllum málum sem það varðar.

Dómarar fá heimild til að dæma í sameiginlega forsjá auk þess sem hægt verður að höfða mál um lögheimilisflutning án þess að til forsjármáls komi.

Gerð verður sú krafa á foreldra að mæta í sáttameðferð áður en hægt verði að höfða máli eða krefjast úrskurðar í forsjár-, lögheimilis-, umgengnis- og dagsektarmálum.

Í fljótu bragði eru þetta mikilvægustu atriði frumvarpsins, en frumvarpið hefur að geyma margar aðrar réttarfarsbætur til handa börnum sem eiga foreldra á tveimur heimilum.

Heimir Hilmarsson
formaður Félags um foreldrajafnrétti

Heimasíða Félags um foreldrajafnrétti

 

Miklar breytingar á barnalögum í bígerð

Heill forseta vorum

Ég er orðlaus! Forsetinn, Ólafur Ragnar Grímsson, á allan heiður skilinn fyrir hugrekki sitt að vísa frumvarpinu til þjóðarinnar.

Staðfestir ekki Icesave-lög

Er forsetinn fyrirsjáanlegur?

Getur það verið að forsetinn sé löngu búinn að ákveða að skrifa undir frumvarpið?

Getur það verið að forsetinn hafi gefið ríkisstjórninni vilyrði fyrir undirskrift áður en málið fór fyrir þingið?

Getur verið að forsetinn sé tilbúinn að skrifa undir hvað sem er til að viðhalda þessari fyrstu vinstri ríkisstjórn frá stofnun lýðveldis?

Getur verið að forsetinn þóknist aðeins sínum pólitísku vinum?

Getur það verið að hugsanlegur fjöldi undirskrifta hjá Indefense hafi engin áhrif á afstöðu forsetans, að hann hefði skrifað undir hvort sem þær væru 30 þús, 60 þús eða 200 þús ?

Getur það verið að biðin eftir undirskrift sé eingöngu til þess fallin að kastljósi fjölmiðla víða um heim sé beint að persónunni í embætti forsetans til að kitla einhverja hégómagirnd?

Getur verið að ríkisstjórnin viti afstöðu forsetans en gefi honum aðeins kastljós tíma fyrir undirskrift?

Ég vona svo sannarlega að ekkert af þessu geti verið.

Þá mun ég lofa forseta vorn fyrir það hugrekki sem þarf til að standa með lýðræðinu og þjóð sinni á þessum erfiðu tímum.

Blaðamannafundur í fyrramálið

Duga friðsöm mótmæli?

Nú hefur forsetinn allt um það að segja. Skrifi forsetinn undir þetta frumvarp er hann að segja þjóðinni það að friðsöm mótmæli sama hversu stór þau eru hafi ekkert vægi. Hafi þjóðin einhvern vilja til að ná fram breytingum þá verði mótmælin að vera þrungin ólátum og ofbeldi annars er ekki hlustað.

Tæplega 53 þúsund undirskriftir

Ég tel svona 0,001% líkur á að forsetinn hlusti á þjóðina

Ef forsetinn skrifar undir þetta frumvarp er hann að gera orð sín að engu þegar hann skrifaði ekki undir fjölmiðlafrumvarpið.

Hann er þá ekki forseti þjóðarinnar heldur aðeins forseti útrásarvíkinga.

Yfir 42 þúsund skorað á forseta