Kynbundið ofbeldi?

Já það er kynlegt þetta kynbundna ofbeldi þó ekki sé nú meira sagt.

Lagði íbúð í rúst

Burt með verðtrygginguna og lægri vexti

Er ekki öllum orðið það ljóst hve verðtryggingin getur verið glæpsamleg. Fjármagnseigendum líst illa á niðurfærslu skulda en er ekki óðaverðbólga óeðlileg uppfærsla skulda? Það er enginn að biðja um að skuldir verði lækkaðar umfram óeðlilega hækkun er það? Það er með ólíkindum að umræðan skuli snúast um að lækka skuldir í stað þess sem réttara er að það er verið að biðja um leiðréttingu vegna "glæpsamlegra" hækkana skulda.

Hvar annarsstaðar á jörðinni yrði það samþykkt að skuldir hækkuðu með sama hætti og hér hefur gerst? Hvar annarstaðar á jörðinni yrðu samþykktir þeir okurvextir sem hafa verið við lýði hér á landi?

Lífeyrissjóðirnir tapa ef lánþegar njóta sanngirni. Nauðsynlegt er að níðast á lánþegum til að lífeyrissjóðirnir lifi. Allir tæplega 100 lífeyrissjóðirnir þurfa að lifa. Hvað kostar að halda úti 100 lífeyrissjóðum fyrir 300.000 manna þjóð?

Ríkisstjórnin ætti að setja fram frumvarp um að hámarksfjöldi lífeyrissjóða væri til dæmis fimm og allir ættu rétt á að vera í þeim lífeyrissjóði sem þeir veldu sér og ríkisstarfsmenn, alþingismenn og allir hefðu sama rétt til lífeyris og væru í sömu lífeyrissjóðum með sömu ríkisábyrgð. Tel það nokkuð víst að öllum íslendingum sé það fullljóst í dag að þetta lífeyrissjoðakerfi sem við búum við í dag er bara rugl.

Líst illa á almenna niðurfærslu skulda

Misrétti í sifjamálum meira á Íslandi en í nokkru öðru vestrænu ríki

Það er alveg hreint með ólíkindum hvað kvenréttindahreyfingar halda sér í fórnarlambshlutverki þrátt fyrir þá staðreynd að kvenréttindi eru hvergi í heiminum meiri en á Íslandi.

Því miður þá er varla hægt að segja að kvenréttindafélög séu mikið að tala um jafnrétti í þeim skilningi að allir njóti jafns réttar. Jafnréttisumræða á Íslandi snýr nánast eingöngu að kvenréttindum.

Hvergi á Norðurlöndum eða í V-Evrópu er eins mikið misrétti og í íslenskum barnalögum og tala nú ekki um í framkvæmd þeirra hjá sýslumönnum og dómsmálaráðuneyti.

Það liggur ljóst fyrir að þeir sem harðast berjast gegn jafnrétti í sifjamálum eru kvenréttindahreyfingar. Sömu kvenréttindahreyfingarnar og stjórna jafnréttisiðnaði Íslendinga.

Ég heyrði ágætt viðtal við Davíð Þór Jónsson í gær þar sem hann var beðinn um að svara þeirri spurningu, hvort heimsfriður væri raunhæft markmið. Hluti af svarinu hans var á þá leið að þau John Lennon og Yoko Ono hafi á sínum tíma búið til ákveðnar útópískar reglur til að stuðla að heimsfriði. Hluti af þessum reglum voru þannig að heimurinn ætti að vera landamæralaus og engin vegabréf. Fólki ætti að vera frjálst að ferðast hvert sem er án hindrana. Þegar svo friðarsúlan var reist í Viðey, þá voru gefin út ákveðin "vegabréf" fyrir þá einstaklinga sem voru velkomnir til Viðeyjar þennan dag til að hamla  því að allir Íslendingar myndu streyma út í eyju hömlulaust.

Það er kominn tími á jafnréttisbaráttu Íslendinga af fara í naflaskoðun. Það er kominn tími á jafnrétti fyrir alla undanbragðalaust.

Heimilisofbeldi er orðin hluti af jafnréttisbaráttunni og þar er gengið út frá því að gerandinn sé alltaf karlmaður og þolandinn sé alltaf kona og óbeinir þolendur af ofbeldi karls á konu séu börnin.

Tölur ríkislögreglustjóra og síðasta íslenska rannsókn um hlutdeild kynjanna í heimilisofbeldi sýna hins vegar að konur eru tiltölulega jafnoft gerendur í heimilisofbeldi og karla. Af hverju má ekki ræða það?

Kynferðisbrot eru orðin hluti af jafnréttisbaráttunni. Margar erlendar rannsóknir sýna fram á að 25% geranda í kynferðisbrotamálum eru konur. Hér er eingöngu rætt um karlmenn sem gerendur. Af hverju má ekki ræða um konur? Af hverju vilja jafnréttisfélög vernda kvenkynsgerendur í kynferðisofbeldismálum?

Rétt fyrir 1990 bjuggu 12,2% skilnaðarbarna hjá feðrum sínum. Í dag búa 2% til 4% barna hjá feðrum sínum. Hvað er í gangi og af hverju má ekki ræða þetta?

Feður sem sækjast eftir umgengni við börn sín geta ekki farið fram á að bestu hagir barns séu metnir. Stjórnsýslan heldur umgengnismálum hjá sér í helgreipum þar sem hagur lögheimilisforeldris er látinn ráða og hagur barns er ekki einu sinni kannaður. Af hverju má ekki reka umgengnismál fyrir dómstólum þar sem aðstaða er til að fara vel yfir málin? Eru stjórnvöld hrædd við að hagur barna verði látinn ráða?

Þeir sem vilja jafnrétti í alvöru ættu að kynna sér jafnréttismál í sifjamálum. Þar er mest ójafnrétti á Íslandi og ójafnrétti í sifjamálum er hvergi meira í V-Evrópu en einmitt hér.

 

Jafnrétti kynja hvergi meira en hér

Loksins

Þetta hlýtur að vera tímamóta dómur og löngu tímabær.

Mér finnst með ólíkindum hvað notendur geðheilbrigðiskerfisins eru látnir bera ábyrgð á sér og sjúkdómi sínum lengi án þess að gripið sé til þeirra aðgerða að svipta það sjálfræði.

Þar má nefna átröskun, alkóhólisma, alla fíkn og ekki síst þá sem losna ekki af sjálfsdáðum út úr ofbeldissamböndum. Samfélagið á að koma þessu fólki til hjálpar þó það sé gegn þeirra veika vilja.

Í lífshættu af átröskun

Er ekki kominn tími á þjóðnýtingu?

Það er algerlega út úr korti að allir landsmenn verði látnir blæða fyrir óstjórn Orkuveitu Reykjavíkur.

Þetta hlýtur að vera rétti tíminn til að þjóðnýta Orkuveitu Reykjavíkur þannig að landsmenn allir njóti þá arðsins þegar að því kemur með sama hætti og þeir þurfa að taka skellinn núna.

Samþykkir líklega hækkunina

Umgengnisréttur barns

Úr gögnum hæstaréttardóms:
"Niðurstaða
Í barnarétti er það grundvallarsjónarmið að barn eigi rétt á að hafa samskipti við báða foreldra sína eftir því sem kostur er. Þessi réttur er svo ríkur að hann er verndaður af 3. mgr. 9. gr. samnings Sameinuðu þjóðanna um réttindi barnsins og er einnig talinn verndaður með 8. gr. mannréttindasáttmála Evrópu sbr. lög nr. 62/1994. Í barnalögum nr. 76/2003 eru einnig skýr ákvæði um þennan rétt.
Samkvæmt 46. gr. barnalaga á barn rétt á að umgangast með reglubundnum hætti það foreldra sinna sem það býr ekki hjá, enda sé það ekki andstætt hagsmunum þess. Við skilnað eða slit á sambúð hvílir sú skylda á báðum foreldrum að grípa til þeirra ráðstafana sem við verður komið til að tryggja að þessi réttur barnsins sé virtur. Í 47. gr. laganna segir að foreldri sem barn býr ekki hjá eigi í senn rétt og beri skylda til að rækja umgengni og samneyti við barn sitt. Samkvæmt 5. mgr. 28. gr. laganna er foreldri sem fer eitt með forsjá barns síns skylt að stuðla að því að barn njóti umgengni við hitt foreldri sitt nema hún sé andstæð hag og þörfum barns að mati dómara eða lögmælts stjórnvalds. Það eina sem getur skert þennan rétt eru því hagsmunir barnsins sjálfs."


Íslensk stjórnvöld eru að brjóta á Barnasáttmála Sameinuðu þjóðanna og Mannréttindasáttmála Evrópu með því að koma ekki í veg fyrir umgengnistálmanir með afgerandi hætti.

Stjórnvöld verndi íslensk börn

Hugsanleg tálmun?

Ekki er enn ljóst hvort um morð er að ræða en vissulega getur þetta verið endanleg tálmun af hendi móður.

Reynist grunur um morð vera veruleikinn, þá á þetta að vera okkur víti til varnaðar. Umgengnistálmanir eru grafalvarlegt mál.

Íslensk stjórnvöld hunsa viðvörunarorð umgengnisforeldra í tálmunarmálum líkt og í Bretlandi. Það er ekki spurning um hvort heldur hvenær við fáum svona mál hér.

Grunur um barnamorð í Edinborg

Íslenskt öryggi, engu líkt!

Hvalfjarðargöngin eru dæmigerð fyrir íslensk umferðaröryggismál.

Vegagerðin hendir í okkur handónýtu gatnakerfi sem liggur við að er gert til að drepa og svo er hent upp hraðamyndavélum út um allt til að halda fólki á þeim hraða sem bílar voru gerðir fyrir á fyrrihluta síðustu aldar.

Það eru sex hraðamyndavélar í koldimmum Hvalfjarðargöngunum og 70 km hámarkshraði.

Það hlýtur að vera kominn tími á að Íslendingar leggi metnað í gatnagerð og geri ráð fyrir því að bílar eru gerðir fyrir meiri hraða í dag en fyrst þegar þeir voru framleiddir.

Hvalfjarðargöng fá falleinkunn

Er dæmt eftir lögum eða pólitík?

Er talið of dýrt fyrir fjármálakerfið að stunda heiðarleg viðskipti?

Fallist á rök Lýsingar

Lögreglan í fjáröflun

Er það nú orðin stefna stjórnvalda að ná okkur út úr kreppunni með fjáröflun lögreglu eða eru þessir peningar ætlaðir í eitthvað verkefni.

Lögreglan náði ellefu manns í gærkvöldi og nótt á fáfarinni tvöfaldri Reykjanesbrautinni. Þar hafa þeir náð sennilega um hálfri milljón króna í ríkiskassann af skuldugum heimilum landans.

Ég vona svo sannarlega að þetta fé verði notað til að reisa vegrið meðfram Reykjanesbrautinni svo hækka megi hámarkshraðann þar í 110 - 120 km/klst.

Ellefu sektaðir á Reykjanesbraut