Fyrir hverja eru allir þessir lífeyrissjóðir?

Er ekki kominn tími til að minnka yfirbyggingu lífeyrissjóðanna. Helst vildi ég sjá einn lífeyrissjóð fyrir alla landsmenn, með sömu lífeyrisréttindi fyrir okkur öll.

Það getur velverið að það séu einhver rök til fyrir því að vera með tvo til þrjá sjóði án þess að ég viti það, en þegar þeir eru orðnir fleiri en 10 og jafnvel margir tugir, þá hlýtur þetta að snúast um eitthvað allt annað en sjóðsfélaga eða lífeyrisréttindi almennings.

Eru sjóðirnir kannski bara fyrir stjórnendur sjóðanna?

LV seldi bílinn

Athugasemdir

[Anna Sigríður Guðmundsdóttir, 4.3.2012 kl. 11:23]

Heimir. Þetta er góð spurning hjá þér. Fyrir hverja eru þessir sjóðir. Ætli ég fái nú einhverjar krónur úr þessum sjóði? Ég er öryrki, en fæ ekki eina krónu úr lífeyrissjóði. Þó hefur verið tekið af laununum mínum upp í gegnum árin, til að leika sér með í spilltu stjórnkerfinu.

Er skrýtið að maður spyrji, til hvers maður var látinn borga í þennan sjóð?

M.b.kv.

[Margret S. (IP-tala skráð) 4.3.2012 kl. 15:07]

Anna Sigríður, þegar vinnandi fólk sem borgar í þessa sjóði fer á eftirlaun þá fær það oft ekkert meira greitt út en þeir sem hafa aldrei unnið úti. Greiðslur frá Tryggingastofnun (sem þú færð þínar bætur frá) skerðast jafnvel 100%. Þessir sjóðir borga himinhá laun til stjórnenda og eru með alltof háan rekstrarkostnað. Ég vil fækka þessum sjóðum verulega og að fólkið veiti þeim aðhald og burt með ofurlaun og jeppafríðindi úr sjóðum fólksins.